南美球會盃H組最後一輪賽事，榜首河床對邦明，河床已篤定出線，邦明則肯定出局，今場變成例行公事，預計河床只會半力出擊，至於邦明擺明唔夠班，只能輸少當贏，留意到河床踢法保守，近5次主場全開2球或以下，3.5球入球細非常抵玩。
（周四早上8時30分開賽）文:邪神
河床喺H組5戰錄得3勝2和未逢敗績，得11分已經提前出線，所以河床今場冇必要大勝，何況佢哋5場分組賽當中亦有4場開2球或以下，包括首循環作客玻利維亞同邦明踢成1比1，加上河床剛喺阿甲首階段季後賽決賽落敗，踢完今場就會暫時休息，預計小勝收工。
邦明唔夠班縮住踢
客隊邦明分組賽5戰僅得1分，由於明知唔夠打，所以會縮後防線盡量減少失球，5場當中有3場開2球或以下，今場作客河床目標係盡量避免大敗，大細中位數開到3.5球，入球細博得過。